المواقف المخصصة للعمائر والفلل

22 30

لايمكنك التصويت حتى الحصول على 20 نقطة على الأقل
إضغط هنا للإخفاء

ابراهيم التركـي 1066
قبل 9 سنه و 2 شهر

السلام عليكم ورحمة الله وبركاته

اليوم بتكلم معكم  حسب القانون بالمواقف المخصصة للعمائر والفلل

بغض النظر عن ما اذا كان فيه لوحات ممنوع الوقوف او لا

بالنسبة للعمائر جميع العمائر يكون فيه مواقف مخصصة سياره لكل شقة

يعني ما تحصل عمارة مثلا 4 شقق وتحصل 8  مواقف او اقل او اكثر

بالغالب تكون على عدد الشقق كل شقة لها موقف

وهنا حتى لو ما كان مكتوب ممنوع الوقوف أدباً ما توقف بمواقف العمارة

وهو ممنوع بالقانون انك توقف بمواقف عمارة

ولكن الفلل بالغالب يجيك مكتب على جميع سور البيت ممنوع الوقوف

هنا اقولك حسب القانون ماله حق الا أمام البوابه فقط و مسافة سياره عن البوابه

بعد كذا وقف ولا عليك من ممنوع الوقوف 

ولو حصلت شيء بسيارتك مبنشرها او لاعب بالبوية او شيء

تتقدم ببلاغ على الشرطة وهذي تعتبر قضية اعتداء جنائية

الحوادث فيها تعويض عن الحادث فقط

ولكن القضية الجنائية تعويض عن الضرر و سجن 

الكثير يجهل هالشيء على باله خلاص بيته يعني ملك الشارع

الشارع ملك للبلدية ولا يقدر يمنعك منه هذا الموضوع بإختصار
___________________________________________________

موضوع ثاني قصير

سيارات الدفع الأمامي

كيفية فحص كرسي المكينه

فيه بعض انواع الكراسي 

مثل الصورة الاولى والثانية مثل كرسي مكينة الكامري

يجي فحصة بالنظر بشكل واضح تشوف الجلدة مقطعه او مكسورة 

وهذي من اعراضها السياره بالقومة فيه طقطقه او لو رفعت رجلك عن البنزين ورجعت دعست

تكون طقطقه واضحه تحت سرعة 60

ولكن مع الخط ما فيه اهتزاز يكون طبيعي

النوع الثاني مثل الصورة الثالثة والرابعه يجيك الكرسي كبير ولا ينكسر من الخارج

مثل كرسي مكينة المازدا

وهذا ما تفصحه بالنظر هذا بالتجربة

طريقة الفحص

تمشي فيها تشوفها طبيعي مافيه طقطقه

ولكن صوت المكينه اعلى وفيه حنه واضحه

حتى لو تمشي بسرعة 140 تسمع صوت المكينه بشكل واضح

مع اهتزاز بكامل السياره وليس رجه ولكن اهتزاز بسيط تحس مافيه راحه

يصير امشي 140 بعدين ارفع رجلك عن الدعسة وحط القير بالفاضي

تشوف لو راحت الهزة واختفى الصوت هنا كرسي المكينه العلوي يسار يحتاج تغيير

لو نفس المشكله ما راحت الهزة يعني المشكله من الكفرات او اي سبب ثاني

شوف لو اختفى الصوت والهز

إبلاغ

الردود