للأجر فقط وتجارب

السلام عليكم ورحمة الله وبركاته

ركز بالكلام اللي تحت وفسرة من كل النواحي وبتفهمه تمام

الناس يحسبوني من زود الفضاوة اجلس اخدمهم واساعدهم ههههههههههه

لا يا حبيبي من كثر ذنوبنا نحاول نغطيها بشيء ثاني ونكسب رضى الله سبحانه

هذا اختصار الكلام

تقدر اقلها بشيء بسيط تطرد جوعا عن اخيك المسلم وبنفس الوقت تدخل السرور له

الصباح مثلا عمال النظافه ما اقولك تصدق عليهم كلهم

يكفي لو كل يوم واحد لو تقدر او مره بالاسبوع اقرب بوفية ساندويش بيض او جبن او شيء

بريالين و سن توب وموية كلها 4 ريال تكسب الاجر بالصدقه و تطرد عنه الجوع و الابتسامة

وتكسب رضى الله عز وجل

عشان كذا امشي واساعد الناس مو شرط بالفلوس

احد منقطع بالطريق وقف شوف وش يبي مفتاح عجل ناقصه او شيء

قبل فترة ماشي بخط قطاع مافيه احد كل نص ساعه تشوف لك سياره

وفيه سوداني راعي غنم داخل عن الطريق كم متر وينتظر احد يمر من الشارع

والغنم ترعى بعيد شوي عن الطريق

شافني أشر لي بقارورة موية ديورت ورجعت له خط واحد رايح جاي

ولا فيه لا محطه قريب ولا شيء ومقطعه

جيته ما يبي الا موية بس وذابحه الحر

وزين كان معي موية بارده و كم قارورة من حقت المحطات عبي 10 تجيك قارورة كبيرة هههههههه

وكنت ماخذ احتياط الطريق اتسلى فيها كيك وفطاير من محطه كبيرة

عطيته المقسوم والحمد لله يا اخي تحس انك بتوصل ولا تبنشر ههههههههه رضى من الله

تحس حتى السياره ما تصرف بنزين هههههههههه مدري المهم انك تكون مبسوط وبس
__________________________________

قبل فترة وصلت معلمات للهجرة اللي بالصور مافيها الا كم بيت والمدرسة مشتركة مع كم هجرة

عن جده 330 كيلو تقريبا مشوار كل يوم رايح 330 و راجع 330

احرك من البيت 2 ونص بالليل

قطاعه مافيه شيء تحس وانت تمشي ان الكورة الارضية خلاص خلصت بتجي مثل فلم كرتون

نهاية الشارع مكتوب STOP خخخخخخخخخخخخخخخخ

مدرستين متقابله بينهم كيلو تقريبا او اقل

وحده بنات مجمع و الثانيه مجمع بنين واضحه بالصورة خلف اللومينا

اقرب محطه واقرب قرية للقطعه هذي 80 كيلو

يعني توصل هناك تجلس جوعان وعطشان حتى ترجع بالطريق هههههههههههه

والله يا المعلمات انهم معاناة من جد

كل السيارات كبيرة مافيه الا انا باللومينا

رزق ما شاء الله اصحاب الفانات