أضف سؤال أو موضوع جديد          

ابشركم طلعت الفولفو مصدومه ونصابين

up 20 down 12
شويخ من أرض مكناس 2824
قبل 7 سنه و 3 شهر



يامرحبا بالشباب
قبل فتره نزلت موضوع عن فولفو عجبتني وجربتها وكنت على اتصال مع ابراهيم التركي اسئله عنها

المهم انا شفتها فالليل وعلى عجله مع التجربه

السياره مثل ماقلت مالاحظة اي شي لاتبديلات ولا اصوات ولا شي كل شي ممتاز
ماعدا حاجه واحده شكيت فيها فقط وقلت لازم اشوفها فالنهار وافحص 

صوت مثل صوت الجنزير ظهر بداية التشغيل ويختفي بعد ماتحمى السياره
شغلت السياره وفتحت الكبوت
الصوت صادر من المروحه 
حركت مروحة جرم الاديتر  حقها وتحرك معي وكل ماضغطت عليه يختفي الصوت وبعد ماحميت السياره اختفى الصوت نهائيا

بعدها دققت ولقيت كرسي المكينه متغير جديد قلت كويس شكل صيانتها ممتازه ويمكن مروحة الاديتر ماثبتوها بس
دخلت اصابعي مره ثانيه عند مروحة الاديتر لحد ماوصلت للكلبسات وجلست اتحسس اللي فيها مسامير وتمسك جرم المروحه على الاديتر

حركت المروحه وطلعت بعض الكلبسات غير مثبته  قلت مو مشكله بكرا النهار بشوفها افضل

فيه غطاء فوق علبة الفرامل الكلبس حقه مكسور بس يتقفل

جيت اليوم العصريه
قلت ابي افحص عند مركز الغروب
قالوا فحص برا مافيه الفحص عندنا ((( ماتوقع راح اقتنع ممكن يخبون علي عيوب )))
حاولت فيهم رفضوا نهائيا بحجة انها فولفو ومو اي واحد يفحص  !!!

طيب الضمان وش وضعه ؟
ماعليها ضمان !
طيب ابي اشتري الضمان وادخلها تحت الضمان 
رفضوا !!
بعد البيع مالنا علاقه في الضمان 

وكل ما سئلهم عن القطع يقولو رخيصه رخيصه لكن مايعطون اسعار حقيقه
طيب ممكن برنت بالصيانات كلها ؟
تعال قبل الساعه 5 ...  طيب مقدر اجي 
ممكن تطبعون برنت الصيانه كامل بكرا واجي اخذه عشان اشيك على الاسعار والاشياء اللي تغيرت ؟
ممنوع طباعة البرنت ممكن يفتحلك الجهاز وتشوفه ؟

طيب فيه الغطاء اللي فوق علبة الفرامل مكسور واثار وتحته البطاريه ؟
قالوا احنا غيرنا علبة الدركسون ؟؟؟
طيب بكم سعرها ؟
والله مو فاكر >>>  يتهربون من ذكر الاسعار لحد الان 
طيب مروحة الاديتر وش في كلبساتها مكسره !!

هذي بسبب الصيانه مسئله بسيطه كلها تثبيت
طيب ليه ماذكرتوا فالبدايه انه علبة الدركسون متغيره وانتم تقولون السياره نظيفه ؟

يارجال انت مابدك تشتري ولا شاك في سيارتنا شو بدك ؟
حكينا بدك تفحص ندخلها الوكاله وتفحص 

^^^
الرجال بداء يعصب ويفقد السيطره 
قلت طيب ممكن تعطيني المفتاح ابغى اشوف السياره فالنهار اوضح
قال مافيه انت شكلك بتضيع وقتنا ؟
قلت على العموم لاتعاون ولا اهتمام وكذبتم في شغله وانكشفت وخلو السياره عندكم تخمج

وانا طالع مريت من جنب السياره وقلت لازم اصورها
والمصيبه الثانيه
طلعت الواجهه مرشوشه والبويه متقشره ومتكسره
والشبك مكسور ماغيروه شكل قيمته غاليه
 فالان تاكدت بالمئه 90 بالميه ان السياره متعرضه لحادث في الواجهه 
بدليل الواجهه مرشوشه
المروحه غير ثابته وفيها صوت والجرم حقها مو ثابت
الجلد من حوالين الشمعه اليسرى بارزه 
بمجرد ماتمرر اصبعك بين فتحة الكبوت والرفرف تحس بزوائد غير متساويه بسبب تجمع الوبيه في اطراف الكبوت 

كل هذي علامات اعتبرها بسبب صدمه

واخليكم مع الصور وشفو الصوره الاخير كيف واضحه البويه رايحه فخرايطها

بيني وبينكم شهاده لله
اللي بيدفع 200 الف في اي سياره فخمه
لايفكر في الفولفو وان صرت غني فيوم من الايام تذكرو اني راح اشتري حبه ب250 الف افخم نوع
واهديها لا اخونا الفرفوش ( أنيق )
وانا باخذ حبه 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شاقح موتر حلو   ووبنسبه لسياره هذي الله بعدك عنها  وانشاء الله تطيح بموتر انظف منه ونفس سياره هذي قبل 5 سنوات استاجرها اخووي من بدجت  وماشاء الله عليها اعجبت اخوي بخط ثقه بدال مايخذها يومين اخذها اسبووعين 


up 1 down 0
سكودر 14927
قبل 7 سنه و 3 شهر



وجهة نظري أن الفولفو من أروع السيارات وما ضيع سوقها إلا الزاهد مثل ما ضيع سابقاً الرينو والدايو بسبب ارتفاع نكلفة الصيانة وقطع الغيار

إذا نويت تشتري فولفو فنصيحة أنك تشتريها جديدة أو من شخص تعرفه

والحمد لله أن ربي سلمك من النصابين


up 0 down 0
أبو عبادة 4852
قبل 7 سنه و 3 شهر