استفسار عن جيلي سي8

هم يقولون ألسياره كويسه 
بس ماتدري كم تجلس معك البعض يشتكي والبعض يمدح دامه وصل لـ 60 وبياخذها أقصاد أنا أرشح له سيارتين 
النترا فل كامل 
مازدا 6 استأندر 
يروح يشوف السياراتين واللي يرتاح لها 
يستخير ويتوكل على الله 
أما الصيني مأافتيك فيه بس هذي وجهتي نظري أنه يااخذ النترا أو يأخذ مازدا 6 
النترا شكل شبابي + منتشره ومامنها خوف 
المازدا شكل جديد ورائع وأمان بعد الله سبحانه وتعالى ومواصفاتها حلوه وسعرها منافس لـ فائتها أنا عندي هالخيارأين بس الصيني ماتدري ؤش وضعه بعد سنه كرف يتهربد شيء ماتسوى عليه ولا تنسئ أنه بيأخذها أقصاد واحتمال على 5 سنوات يعني لاتطيح في بطنه ماتسوى عليه 
بس إذا جاء. يتنازل عنها مايلقى أحد عكس المازدا والنترا بشكل خاص النترا مرغوبه لـ الشباب وألمازدا حاجه جديده متميزه أنا شفتها صراحه شكل وحشي وجميل وتصميمها عالي جدا وشيء متميز 

طيب كم راح يكون اقصاد انترا طبعاً بدون دفعة 
ابي اسعارها لاهنت كل الفئات 

  والله يالغالي ماعندي علم في أسعارها بس نزلت 2014 هي على حسب الراتب وترا كلها متساويه تفرق من 50 الى 100 النترا وألمازدا والصينيه يدفع بحاجه مايتندم عليها أحسن 

ملاحظه المازدا 6 ترا فئتها من الكامري والأكورد والسونأتا 
هي على الراتب أقرب بنك يفيذه وأنصحه يطلع له قرض بقيمة ألسياره كأش ويأخذها فوائد أقل وإذا منحد على البنك يأخذ من بنك الأهلي أو الرياض هذيلا أقل فائده من البنوك الثانيه بالتوفيق 

بس سمعت انها ربوية 
طيب يقول لو اخذ السيارة اقصاد وليس تاجرير من الراجحي 
وشرايكم

مأالقيت إلا الراجحي ؟؟؟ 
لا انحش من الراجحي والاحسن يأخذ قرض ويشتري له أحسن حل بس إذا ماقدر يأخذ يأمن الأهلي أو الرياض لأن عندهم تنازل وفوائدهم أقل من الباقين يبعد عن شركات التأجير لأن نسبتهم أكثر والراجحي ماعنده تنازل 

طيب هل هو ربوي 
الاهلي

أفضل شئ تشتري بالتقسيط, ليس الايجار المنتهي بالتمليك, والفرق بينهم إن التقسيط تتملك السيارة, لكن التأجير السيارة تكون مملوكة للبنك أو الشركة, كذلك التأجير المنتهي بالتمليك فيه نظر من ناحية الحكم الشرعي لإنه في السابق كان صورة واحدة وأجمع العلماء على تحريمه, لكن فيما بعد ظهرت له صيغ أخرى أجازه بعض الفقهاء كالتأجير المنتهي بالتمليك عن طريق الهبة, وأفضل وأنسب حل هو شراء أسهم بالتقسيط من البنك وبيعها ويحصل بها التملك حيث تودع في محفظتك

ومن ثم شراء سيارة من الوكالة أو المعرض

طيب جزاكم الله خير ماقصرتو 
طيب عندي سوال 
الحين لاصار الشخص يبي ياخذ رخصة سير 
يطلبون تبرع دم ولا فحص دم شامل ولا فحص دم عشان فصيلة الدم بس 
وشكرا 

يطلبون منك تبرع بالدم وياخذون منك عينه بسيطه من الدم علشان يعرفون الفصيله 

طيب انا ياحسرتي ابي دم ههه

طبعا لازم يتأكدون قبل اذا انت حالتك تناسب للتبرع ام لا , اذا ماتناسب خلاص مايحتاج تتبرع 

اها يعني يشوفون اخبر الوزن لاصار ٥٥ يتبرع 
بس انا اقل من ٥٥ الوزن 
لاكن ماقصرتو وربي يوفقكم يارب 
ويحقق لكم ماتتمنون يارب 
ويوسع لكم في رزقكم يارب 
ويزوج من لم يتزوج منكم 
ويرزق من تزوج با الذرية الصالحة 
اللهم امين 

امممممممييييين ياشيخ
هههههههههههه
بالتوفيق يارب
ترا مو شرط تتبرع يشوفون وش فصيلة الدم
واختبار نظر يروح اقرب مستشفي اهلي و٥٠ ريال وفحصك في جيبك
وخلاص امورك تمام
الله يسهل لكم