أضف سؤال أو موضوع جديد          

شكرا لكم ياشعب التعاون

up 22 down 5
دحيم٧٧٧ 2204
قبل 6 سنه و شهر



السلام عليكم ورحمة الله وبركاته : 

اخباركم عساكم بخير مع ها العجاج والامطار والتقلبات الجويه لاتقولون لييش هاذا من كثرة الذنوب والمعاصي 
وكثروا من الاستغفار عسى الله ان يتجاوز عنا ،

الصراحه هل ايام كل الناس طافين تسفيل با السعودين والسعودي سواقته كذا ونفسيته زي وجهه ومن ها الكلام 

بس يا سبحان الله ننسى الجميل ونتذكر السيئ 

بس خلوني اقول لكم سالفه صارت معي امس انا ورفيقي 

طالعين الساعه ٢ با الليل وقلنا نسير على البر طبعا بل القصيم البر جاي بل برحات بعد هههههههه

المهم شفنا واحد راعي هايلوكس مغرز من بعيد قلت لخويي خلنا نساعده 

رحنى اخذنا لفه من عنده تعرفون الاحتياط واجب لازم نشوف شكله على شان نساعده 

المهم لقيناه شاب عمره ١٩ - ٢٠ من ها العمر والرجال طيب 

جلسنا ندف ونحفر لمن طلع ابو الشباب 

جينا حنى بنمشي لعله موترنا غرز هههههههه امحق فزعه 

الرجال رجع لمنا ودفنا وطلعنا 

المهم كل واحد شكر الثاني ومشينا نجي نتعلق مرره ثانيه هههههههههاااي 

انا عصبت وقلت مالنا الا الله ثما واحد يجي يسحبنا 

وتصورا ياشباب الساعه ٢ با الليل بعد ٢ ونص 

وجانا شلة شباب الله يجزاهم خير 

وساعدونا وطلعنا بفضل الله ثما ها الشباب . 


الغايه من الموضوع : وين تحصل احد يخدمك ويساعدك بل عالم ها الطبع طبع رجال الشهامه السعوديين 
لكن حنى مانعرف الا التحطيم والشتم 

وشكرا لكم ياشعبنا المترباط وخاصة الشباب الي ساعدونا 

والله يزيد الالفه بيين المسلمين اجمعين ويجمعنا با الدنيا والاخره







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


والله الشعب السعودي فيه خير


up 9 down 0
أسير المواجع 50
قبل 6 سنه و شهر



كل الناس فيهم الخير والبركه ياعزيزي 


up 6 down 0
d_alla 588
قبل 6 سنه و شهر



والله حنى يالسعودين نحب الفزعات ولكن انت عارف اصابعك ماهي مثل بعض حتى الشخص الواحد تلقى فيه حاجات حلوة وتلقى فيه حاجات سيئة فما بالك بباقي الناس


up 4 down 0
العامري دوت كوم 2 453
قبل 6 سنه و شهر



اي والله شبابنا فيهم خير انا مامدح نفسي لكن كنا فمخيم قبل 3 ايام بالضبط المهم فالثمامة نلعب كوره الا يجي قدامنا بعيد شوي راعي كرلا موديل 2007 على ماظن الشكل ذاك المهم 
ويغرز وشويء عيال عمي وناس من جماعتنا كنا نلعب مع بعض قالو امشو للرجال خل نطلع وبالفعل رحنا ودفيناه الين طلع وشكرنا حاولنا نعزمه معنا بالمخيم  الا الرجال مصمل يبي يروح هههههههه ع العموم مثل ماقلت شبابنا فالسعودية يحبون الفزعة كفو 


up 4 down 0
راكان-505 7168
قبل 6 سنه و شهر



( رحنى اخذنا لفه من عنده تعرفون الاحتياط واجب لازم نشوف شكله على شان نساعده )

هههههههههههههههههههههههههههههههههههههههههههههههههههههههههههههههههههههههههههههههههههههههههههه

اللحين طيب كيف تعرفون من شكله اذا كان طيب ولا مجرم


up 3 down 2
sultan-q 467
قبل 6 سنه و شهر



يا رجال انا ذاك اليوم عالق في سيف من يوم ما نزلت ولا ينزلون 6 من الهلي كأنهم جايين يلفعونن والله ويجي واحد ويقول اركب اركب حتى هو سكر لي الباب وعلى طول دفون...
والله يا عندنا شباب فيهم البركة


up 3 down 0
acura 3758
قبل 6 سنه و شهر



بتلاقي ناس سيئين وبتلاقي ناس اخيار.
ولاكن الخيار اكثر من السيئين


up 1 down 0
waeel alfife 374
قبل 6 سنه و شهر



اكييييد مهما كثر الشر مازال فيه شباب ورجــال فيهم نخووة ومرجلة وحب الخير للغير
 الله يكثر من أمثالهم الي مثل كذا ويثبتهم على
هدايته وطاعته . 


up 1 down 0
حازم الفريدي 55
قبل 6 سنه و شهر



هذه اخلااااااااااااق المسسلم والشعب العربي فيهم طبع النخوه والفزعه ...


up 1 down 0
abo wail 318
قبل 6 سنه



أمس دخلت ورشة وكنت مبتســم وأسلم على الموجودين ، قالي واحد أردني أو فلسطيني ما شاء الله داخل ومبتسـم ،، أول مرة أشوف سعودي مبتسـم الله لا يغير عليك !!! ليش كذا بس يا حبيبي وعندكم اللي يبتسـم تقولون لشو هاض بيتدحك فيه E شي <<< اقصد إيشي ، شو عم تطلع نهفة <<< بالعكس السعوديين هم أهل الشهامة والنخوة والابتسامة والمرح والفلـه ، وكل فيه الخــير


up 1 down 0



الله يديم التعاون بيننا ويجعلنا يد وحدة


up 1 down 0
Bin.salem12 850
قبل 6 سنه



مره انا مغرز في الرماح

على ايام المطر والجو وشرح الصدر
المهم اطلب الفزعه من الساعه 8ص الى 10 ماحد جاني الا واحد معهم جيب لكزس ممكن اعمارهم 40 او50 وقف سيارة بعيد وجا على رجله ماقصر دف السياره طلعني لازال المعروف مانسيته بس اكثر شباب الرماح مايجونك ولا احسبولاك حساب لاكن التوبه مافيه طلعة البر الا معك ثلاث سيارات غيره مافيه


up 1 down 0
ملك الحلال 230
قبل 6 سنه



مره كنت بالقصيم ابروح الرياض مع الوالده والبزران ,


المهم البزران قامو يلجون ( يزعجون ) فوق راسي نبي تطعس بنا ووقتها كان معي موتري القديم يوكن 2001 وسالت الوالده قالت يالله خلهم يستانسوون شوي ,


دخلنا وقمنا نتمشى شوي وطعسنا المهم يوم جينا نمشي كنت فووق طعس وابنزل تحت للخط وانا امشي نزلت كفرات قدام الا وتصارخ الوالده هويه هويه واخوكم مع الخرشه رصيت اوم اوووم الفرامل ويتعلق الموتر !






بطن الموتر براس الطعس وانتم تعرفون اليوكن القدييم حديد وثقيييييييل


المهم جا راعي باترول ربع بيطلعنا و ماقدر وراح ينادي اخوياه معهم شروكي وربع ولا قدرو يطلعون الموتر المهم جو شباب ومعهم اخوياهم بمواترهم 5 سيارات لكن ماذكرها والله اقسم بالله ماقدرو جلسنا نحوس وشلون نطلع اليوكن ؟


وقال واحد منهم خلو سيارتين تسحبكم جابو الشروكي والباترول لصقوا صداماتهم بصدام بيسحبونه بقوه ( نتل ) والحمدلله يالله يالله طلع بس من قوة النتل راعي الشروكي طلعت السست من مكانها مالت شوي لانهم كانو رابطين الواير بالسست



لكن والله موقف مانساه رجال فزعه


ماقصرو




up 4 down 0
hmada1213 2025
قبل 6 سنه



السلام عليكم و رحمة الله و بركاته

كل بلد فيها و فيها و انا شفت من الرجال السعوديين شهامه قويه و يحبون الفزعات فعلا

ربنا يجمعنا علي التوحيد و يهدي شباب المسلمين اجمعين

لك لايك عالموضوع الجميل


up 0 down 0
eliminator 123
قبل 6 سنه



لايغرك الشكل ترى القلوب طيبه ...
 والناس فيها خير 


up 0 down 2